Такомиллаштирилган электр саралагич қурилмаси
Вазифаси - қишлоқ хўжалик экинлари уруғини барча муҳим физик-механик хоссалари бўйича саралаш ҳамда уларни уруғлик ва техник фракцияга ажратиш аниқлигини ошириш.
Қўлланиш соҳаси - қишлоқ хўжалик ишлаб чиқаришининг уруғликларни экишга тайёрлаш технологик тизимлари ҳамда деҳқон ва фермер хўжаликлари.
Қурилма Ўзбекистон Республикасининг № IAP 05145 “Қишлоқ хўжалик экинлари уруғини саралаш учун диэлектрик қурилма” патенти билан ҳимояланган.
Фарқи - такомиллаштирилган электр саралагич қурилмасининг бошқа электр саралагич қурилмаларидан фарқи шундаки, икки хил шароитда, яъни ишқаланиш натижасида ҳамда қарама-қарши ишорали электродлар орасида вужудга келадиган электр майдони диэлектрик материалдан тайёрланган битта иш органи юзасида бирлаштирилган. шунинг учун, қишлоқ хўжалик экинлари уруғини иш органи юзасига тортадиган йиғинди электр майдон кучи ҳосил бўлиб, саралаш технологик самарадорлиги ва уруғларни уруғлик ва техник фракцияга саралаш аниқлиги ошади.
Жорий этилиши - такомиллаштирилган электр саралагич қурилмасининг тажриба нусхаси Андижон вилоятининг Қўрғонтепа туманидаги “Оқ сув” экспериментал-тажриба фермер хўжалигида шартнома асосида амалиётга жорий қилинган.
Такомиллаштирилган электр саралагич қурилмасининг тажриба-саноат нусхаси тайёрланиб, унда сараланган уруғлар Тошкент вилоятининг Ўртачирчиқ, Қуйичирчиқ, Юқоричирчиқ ва Янгийўл туманларидаги фермер хўжаликларига кенг миқёсда синовлардан ўтказилган.
Ҳозирги кунда такомиллаштирилган электр саралагич қурилмасининг саноат нусхасини тайёрлаш ва сериялаб ишлаб чиқаришни йўлга қўйиш устида изланишлар олиб борилаяпти.
Маълумот киритилган сана: 05.05.2020