Маҳаллийлаштиришга йўналтирилган қишлоқ хўжалик техникалари амалиётга жорий этиш учун дала синовлари амалга оширилмоқда

Қишлоқ хўжалигини механизациялаш илмий-тадқиқот институти (ҚХМИТИ) ва «Ўзагротехсаноатхолдинг» АЖ ўртасида тузилган ҳамкорлик шартномасига мувофиқ жорий йилнинг апрел ойида Тошкент “Агрегат заводи” АЖда янгидан ишлаб чиқарилган пневматик сеялкаси саноат-тажриба нусхасининг дала синовларини бошланди.

Ушбу сеялканинг параметрлари ҚХМИТИнинг экинларни экиш, парваришлаш ва ҳимоя қилишни механизациялаш лабораторияси томонидан асосланган (А.Қорахонов, А.Абдурахманов, А.Ибрагимов, А.Толибаев, М.Ўсаров).

Янги сеялка лаборатория ходимларининг бевосита муаллифлик назорати остида ишлаб чиқилмоқда.

Сеялканинг саноат намуналари дастлабки лаборатория ва кенг дала синовларидан ўтказилганидан кейин кенг миқёсда ишлаб чиқаришга тайёрланади.

Маълумот киритилган сана: 27.04.2020