·    дон ва озуқа экинларини йиғиштириш, дастлабки ишлов бериш учун энергия-ресурстежамкор технологиялар ва иш сифати юқори бўлган техника воситаларини ишлаб чиқиш йўналишида тадқиқотлар олиб бориш;

·    жаҳон андозаларига мос келадиган янги дон ва озуқа экинларини йиғиштириш ва дастлабки ишлов бериш қишлоқ хўжалик машиналари учун дастлабки талабларни ишлаб чиқиш;

·    Ўзбекистонга хориждан олиб келинган дон ва озуқа экинларини йиғиштириш ва дастлабки ишлов бериш машиналар намуналарининг адаптация синовларини ўтказиш, уларнинг самарадорлик даражаларини баҳолаш ҳамда Республика шароитига мослаштириш бўйича илмий-амалий ишларни бажариш;

·    дон ва озуқа экинларини йиғиштириш ва дастлабки ишлов бериш қишлоқ хўжалиги техникаларидан самарали фойдаланишга доир илмий тадқиқотларни бажариш, тегишли тавсиялар, йўриқномалар ва меъёрий ҳужжатларни ишлаб чиқиш;

·    механизациялашни таъминлайдиган истиқболли машиналашган агротехнологиялар ва ресурсларни тежайдиган кичик ҳажмли техника воситаларини ишлаб чиқиш ва жорий этиш;

·    Ўзбекистонда сояни экиш, йиғиштириш ва уруғини тозалашнинг мақбул усулларини ишлаб чиқиш ва машиналарини асослаш, уларнинг тажриба-синовларини ўтказиш ва амалиётга жорий этиш;

·    донли ва бошоқли экинлар ҳосилини йиғиштириш учун ғалла комбайнининг ўриш, янчиш ва тозалаш ишчи қисмлари иш жараёнини назарий ҳамда тажрибавий тадқиқ этиб, уларнинг турли ўрим шароитлари учун параметрлари ва иш режимларини аниқлаш.

2015-2019 йиллар давомида “Ўзбекистонда мойли экинларни йиғиштириш ва уруғини тозалашнинг мақбул усулларини ишлаб чиқиш ва машиналарини асослаш” мавзусидаги амалий лойиҳада “Доминатор-130” ва “Нью Холланд ТС-5060” комбайнларини мойли экинларни йиғиштиришга адаптациялаш усуллари ишлаб чиқилди, комбайнлар жаткаси кунгабоқарни йиғиштиришга мослаштирилди, мойли экинлар уруғини дастлабки тозалаш машинаси ишлаб чиқилди ва амалиётга жорий этилди.

“Ўзбекистон шароитида маржумак (гречиха) етиштириш агротехнологиясини мукамаллаштириш ва унинг донини қайта ишлашнинг ресурстежамкор технологиясини ишлаб чиқиш” мавзуси бўйича амалий лойиҳада Ўзбекистон шароитида маржумак етиштириш агротехнологияси такомиллаштирилди ҳамда маржумак донини қайта ишлаб ёрма ишлаб чиқарадиган қурилма ишлаб чиқилди.

Ҳозирги вақтда Ўзбекистон шароитида сояни кам нобудгарчилик билан йиғиштириб олиш ҳамда дуккакли экинлар уруғини тозалашнинг мақбул усулларини ишлаб чиқиш устида илмий-тадқиқот ишлари олиб борилмоқда.

“Ўзбекистон шароитида маккажўхорини донга қобиқли сўта кўринишида эртароқ йиғиштириш технологияси ва техника воситаларининг илмий асосларини ривожлантириш” лойиҳаси доирасида маккажўхорини донга қобиқли сўталар кўринишида йиғадиган машинаси ва қобиқли сўталарни донини ўзагидан ажратувчи сўтаянчгич машиналарининг илмий асослари ривожлантирилиб параметр ва иш режимлари асосланди.

“Турли шароитларда сояни агротехника талаблари даражасида экиш ва йиғиштириш учун техника воситаларини мослаштириш ва такомиллаштириш” мавзуси бўйича сояни агротехника талаблари даражасида экиш ва етиштирилган ҳосилни кам нобудгарчилик билан йиғиштириб олиш ҳамда дуккак экинлар уруғини тозалаш ва саралашнинг мақбул усулларини ишлаб чиқиш борасида илмий-тадқиқот ишлари олиб борилмоқда.

·    Дуккакли дон экинларини йиғиштириш ва донини тозалашнинг самарали усуллари ҳамда уларни амалга ошириш учун ресурстежамкор техника воситаларини ишлаб чиқиш;

·    Шолини йиғиштириш ва донини тозалашнинг самарали усуллари ҳамда уларни амалга ошириш учун ресурстежамкор техника воситаларини ишлаб чиқиш;

·    Беда ва бошқа озуқа экинларини йиғиштириш учун замонавий янги авлод косилкаларини яратиш;

·    Чорва молларига озуқа тайёрлаш ва уни тарқатишда қўлланиладиган ресурстежамкор техника воситаларини ишлаб чиқиш;

·    Маккажўхорини донга ва кўк ҳолида силосга йиғиштирадиган (универсал) ресурс тежамкор маккажўхори йиғиш машинасининг илмий-технологик асосларини ишлаб чиқиш;

·    Мош экинини йиғиштириш ва уруғини тозалашнинг мақбул усулларини танлаш ва машиналарини асослаш.