Таълим, фан ва ишлаб чиқаришни интеграциялаш масаласига бағишланган давра суҳбати бўлиб ўтди

     

2018 йилнинг 11 январ куни Тошкент ирригация ва қишлоқ хўжалигини механизациялаш муҳандислари институти (ТИҚХММИ)да соҳанинг етакчи олимлари, профессор-ўқитувчилари, докторантлар ва талаба ёшлар иштирокида таълим, фан ва ишлаб чиқаришни интеграциялаш масаласига бағишланган давра суҳбати (йиғилиш) ўтказилди.

 

 

 

Суҳбатни (йиғилишни) ТИҚХММИнинг ўқув ишлари бўйича проректори, техника фанлари доктори Б.С.Мирзаев бошлаб берди. Жумладан, у кадрлар тайёрлаш масаласи, илм-фаннинг таълим ва ишлаб чиқариш билан ўзаро боғлиқликда олиб борилиши лозимлиги, уларнинг интеграцияси бугунги кун талаби эканлиги ҳақида гапирди. Илмий-тадқиқот институтларида илмий фаолият олиб бораётган етакчи олимлар таълим жараёнига янада фаолроқ қўшилиб, талабаларни техник тараққиётнинг бугунги кун ютуқ ва муаммолари ҳамда олдида турган вазифалари билан таништириб борса, уларнинг амалиёт ўтишида бевосита иштирок этишса қишлоқ хўжалигини механизациялаш соҳасига замонавий билимга эга етук кадрларни етказиб беришдаги бугунги камчиликлар бартараф этилар эди.

 

 

 

Суҳбатда Қишлоқ хўжалигини механизациялаш ва электрлаштириш илмий-тадқиқот институти (ҚХМЭИ) директори, техника фанлари номзоди А.Ражабов, ҚХМЭИ директорининг илмий ишлар бўйича ўринбосари, т.ф.д., профессор М.Тошболтаев, ТИҚХММИнинг кафедра профессорлари академик Ш.Йўлдошев, М.Шаумарова ва бошқалар ўзларининг фикр-мулоҳазалари ва таклифларини беришди.

 

 

Давра суҳбатида ТИҚХММИ профессор-ўқитувчилари ва ҚХМЭИ олимларининг биргаликда ишлашини янада ҳамжиҳатлик билан давом эттириш лозимлиги ҳақида хулосага келинди.

 

 

Маълумот киритилган сана: 12.01.2018